Trosfrihet: Egypts president al-Sisi har lovet at det skal bli mye enklere for Egypts kristne å få bygget, reparert og godkjent kirker. På to år har lite skjedd, heter det i fersk rapport.
14.12.2018
Mama Maggie får nye prisar for innsatsen i Kairos ‘søppelby’
Mama Maggie blir æra for trufast innsats for fattige barn. Ho får den tredje utmerkinga på kort tid.
Biola-president Barry Corey og mama Maggie under prisoverrekkinga.
Mama Maggie som har gitt livet sitt for at tusenar av fattige barn i Kairos «søppelby» og slum, skal få eit verdig liv, gjennom Stefanusbarna, har fått to nye æresutmerkingar.
Biola University i Sør-California gav henne onsdag 21. mars «Charles W. Colson Courage and Conviction award». Det skjedde på den 89. misjonskonferansen. Prisen er oppretta for å æra dr. Colsons innsats i kristen teneste, disippelskap og evangelisering, heiter det.
Prisen vart etablert i 2014 og blir kvart år gitt til eit menneske som «demonstrerer dedikert innsats for sanninga i det bibelske verdsbiletet, og ein vilje til å handla på bibelske prinsipp, sjølv kor risikabelt og utfordrande det kan vera». Prisen er ein plakett.
Mama Maggie grunnla Stefanusbarna i 1989 etter å ha gitt opp karriera som forretningskvinne og professor ved American University in Cairo. Ho har vore Stefanusalliansens partner sidan 2005.
– Mama Maggie, du er ein inspirasjon av mot og kristen rettferd for oss alle, sa Biola-president Barrey Corey under utdelinga.
– Takk for at du var viljug til å ta opp krossen og følgja Kristus. Takk for at du viser sterk, audmjuk ånd i den kristne tenesta. Takk for at du har gjort så stor skilnad for mange liv, på grunn av Jesus Kristus, sa Corey.
Her kan du sjå prisoverrekkinga på video
Mama Maggie har tidlegare fått Arabisk håpspris, av herskaren av Dubai.
- Les også Eyvind Skeie om Mama Maggie og biskop Thomas: De bryr seg om både kristne og muslimer
18. mars fekk Mama Maggie også ei æresutmerking av president al-Sisi i Egypt for innsatsen sin.Prisen var eit diplom, eller eit sertifikat.
AKTUELT
30.11.2018
Det er mykje lettare å «telja» fengsling av menn enn å oppdaga all den undertrykkinga av kristne og andre minoritetskvinner blir utsette for, heiter det i ny rapport.
02.11.2018
Egyptiske kristne ber om forbøn etter at minst sju koptiske kristne blei drepne i eit angrep på to bussar i Minya-provinsen sør i Egypt fredag.
PROSJEKT
Egypt: Stefanusbarna
På «søppelfjellet» i Kairo bor det tusenvis av kristne familier som er overlatt til å leve i, og av, storbyens søppel. Inspirert av Jesu kjærlighet har Mama Maggie gjennom tre tiår bygget opp et arbeid som kalles Stefanusbarna. Stefanusalliansen støtter dette arbeidet.
Egypt: Anafora og Anastasia
Biskop Thomas er en uredd talsmann for sosial rettferdighet og trosfrihet i Egypt. Han har vært Stefanusalliansens partner siden 2005. Vi støtter retreatsenteret Anafora og undervisningssenteret Anastasia som han har bygget opp.