Nigeria: Islamske ekstremistar massakrerte fredelege muslimar

Då to samfunn der dei allker fleste er muslimar, nekta ei i islamistgruppe å forkynna si ekstreme form for islam, kom massakrane. Kanskje så mange som 170 blei drepne. 

Blodbadet ramma to landsbyar i Kwara-staten vest i Nigeria. Det starta klokka 5 på ettermiddagen 3. februar og pågjekk i fleire timar utover natta.  Massakrane skjedde i landsbyane Woro og Nuku i Kaima-distriktet.

I denne saka frå BBC og i denne frå Al Jazeera kan du òg sjå oppskakande videoar.

Gruppe frå Bomo Haram
Inga gruppe tok straks på seg ansvaret for massakrane. Men det synest klart at den ferske islamistgruppa Mahmuda  stod bak. Dette er ei nokså ny terrorruppe som er knytt til den langt meir kjende Boko Haram. 

Islamistgruppa Mahmuda har dei siste par åra operert i Kwara-staten og nabostaten Niger. Kwara og Niger ligg vest i Nigeria, på grensa mot Benin. Mamuda har stått bak ein serie blodige angrep rundt den store nasjonalparken Kainji Lake. 

– Kwara var fredeleg før Mamuda etablerte seg der. Mamuda står for ei svært, svært ekstrem utgåve av islam, seier Reuben Buhari i menneskerettsorganisasjonen Christian Solidarity Worldwide (CSW), Nigeria. Hans kjelder seier at Mahmuda stod bak blodbadet,

Mahmuda har tidlegare ikkje berre angripe sivile, men også andre væpna grupper.

Avviste ekstrem islam
Islamistgruppa Mahmuda hadde, seier Buhari, sendt brev og bedt om å få koma til landsbyane for å forkynna.

 – Men landsbyane sa nei, muslimane i desse landsbyane ville ikkje ha denne ekstreme utgåva av islam, seier Buhari. Guvernøren i Kwara seier at landsbyane nekta «å underkasta seg» denne ekstreme forma for islam.

– Nigerianske tryggingsstyrkar gjorde først ingenting så landsbyane varsla. Då gruppa slo til tysdag ettermiddag, var det nokre få frå tryggingsstyrkane der. Men Mamuda omringa landsbyane før dei gjekk frå hus til hus. Dei tok ut mennene og drap alle mennene dei fekk tak i, dei skaut dei framfor kvinnene og barna. Dei gjorde dette for å senda ein klar beskjed, seier Buhari.

Ein overlevande fortel at terroristane starta drepinga og sette fyr på alle butikkar og mange heimar og at fleire omkom i flammande.

Muslimane i desse landsbyane ville ikkje ha denne ekstreme utgåva av islam.

Reuben Buhari, CSW 
 

Gravlegg mange titals døde
Seint torsdag kveld seier Buhari:

–  Vi har høyrt om 75 som er gravlagde, ei kjelde seier 78. Andre kjelder seier at det er over 100 døde, nokre seier at det kan vera over 160 drepne. Vi veit ikkje sikkert enno fordi det framleis blir funne døde inne i bushen, seier Buhari.

President Bola Tinubu la skulda på Boko Haram og utplasserte ein hærstyrke i områder, melder BBC.

Buhari sine kjelder stadfestar at hæren har innteke området etter massakrane.

Mamuda-gruppa hr tidlegare drepe 21 muslimar i eit terrorangrep i Doma i Katsina-staten heilt nord i Nigeria. I Abande i Benue-staten vart 16 kristne drepne.

Kidnappa kristne sette fri
Meldinga om massakrane i Kwara denne veka kjem samstundes med ei melding om at 166 kristne som blei bortførte i Kaduna-staten 18. januar, no er sette fri. Kaduna-staten ligg aust for Niger-staten, nord for hovudstaden Abuja.

Bortføringane blei først benekta av politiet, før politiet vedgjekk at dei kristne likevel var kidnappa. No er dei 166 altså sette fri. Bak bortføringane stod ei anna gruppe, ein brutal milits frå gjetarfolket fulani. Fulani-milits har stått for ein høvesvis stor del av terroren i Nigeria dei siste åra, langt meir enn dei kjende islamistgruppene Boko Haram og IS.